أودَا أَجُپَّا تِأَلَّا تُوغُنْڠَا،نِىمَا لُوڠُنْتِنْ كَمَا، نِىمَا غِرِغِنْتِنْ كَمَا.

تِيغَيِنْڠَا أَلَّادَنْڠَنِي، سَلِّنْدُو كِيسِيِنْڠَا يِمِّنْكَمَّا، كِىبِى أَنَّبِيِنْيِمِّى ڠَنْتَا أَهَلِّى.

أَنَّبِي يَغِي نَا أَتُغُو فُنَّنْقَيِنْ يَنِي أَيَا، دُورَنْ كَا سُو مَنِّي أَمَغَا. قَا لِنْكِي دُنَا كِى ، فُنَّنْقَيُنْتَا دُنْڠِنِى يَغِنِي، مَآ إٍڠَنَا كَنْيَا مَرَا، أَدُو مُوْتُو، أَدُو قَرَنْڠِنْ دِىرِىنُ، أَدُو ڠُلِّىبِى، قَالِسِنْ ڠَبِنْ ڠَا كِتِىنِى أَيِي، قُوْ كَافِرُنْ ڠَدَا أَغَنُو أُدَنْڠَنِي مُوْغُوْبِى. قَا قُوْرُوْنَا أَوَرَدُوْ أَلَّا دِي إِفَارِنْعَاأَدُوْ تُوَانُوبِى ڠَدَا أَوَرَدِ إِيَا.

سَاسَا أُوْوَا يَغُو فَنِنْ نَهَنُنْ لِتِنِي يِىرِى.

١ - تَنْڠَادُنْيَنِي حَرَامِنُنْ دَنْڠَنِي.

٢ - وَرْجَغِى

أَنْكَا دُنْكُوْنُنْدِي إِوَرْجَغِنْ يَا لِينِي نَنْڠِرِي أَلّا يَا. كِنْدِى دَڠَا أَمُنْدُو.

٣ - بُنْچُنْغي سِرِى

كِنْ نَهَنْ ڠَبِنْيَنِ أَنْتَا جَاتِىنِى.

٤ - مِنْجَنْڠَاغُو

٥ - نَنْجُوْ غُوْرُوْنُوْ

أَوَنْ قَرَنْڠنْدِنِي صَبَرِيِى، أَدُوْ مَرَنْدِى، أَدُوْ يِڠُوغُورَاغُو، مَاكِنْعَا يَغَرَنْ قُوْرَاغُو، أَنَا أَمْبُوْڠُو لِىمِىنَاغُنْدِ. كِنْڠَمَا أَمْبُوْڠُو لِىمِىنَاغُنْدِ، إِنْكِنْتَاتُو هِمْبِى تَنَاڠَا أَمْبَكَّا لِىمِىنَاغُنْدِ.

٦ - دَارُوْيِى

سُوْرُنَّنْ ڠَبَا يَغِنْتِىنْيَا دَارُوْنُوْ دِينَنْتَا مَغَمْبَانِنْعَا.

٧ - أَوَنْ دِىمَنَا دِينَنْعَا

٨ - هَقَتِ

أَنْڠَنا يَغُنْ لِىلَنْدِ، كِمْڽَلِّى فُوْ دَا يَغُنْ كِيتَا -أَلَّا ڠَنْتَا أَنْيَا- أَنَّا مَنِي دَاوَرِنِي؟

والسلام.

أبوعبدِالله جَغتى

١٠ مِنَنْقَصُوْ ١٤٤٣

١١ مايو ٢٠٢٢