أودَا أَجُپَّا تِأَلَّا تُوغُنْڠَا،نِىمَا لُوڠُنْتِنْ كَمَا، نِىمَا غِرِغِنْتِنْ كَمَا.

تِيغَيِنْڠَا أَلَّادَنْڠَنِي، سَلِّنْدُو كِيسِيِنْڠَا يِمِّنْكَمَّا، كِىبِى أَنَّبِيِنْيِمِّى ڠَنْتَا أَهَلِّى.

عَوْرَنْ دُوْ يِرَامُو ٢

عَوْرَنْ سَبَبُنْ نِّي، فَاهِشَنْ نَمَّغَا سَنْقِي، قُرْآنَنْ دُوْ سُنَّنْ دَا كِىنْيَا كُوْيْ. كِىنْ يَنِي، يِرَامِى كِى رَنْتَيْ نْيَانَ بِتَّنْتِىنْعَا، مَا نِىيِىنْعَا، مَا مِىلِىقِّىنْعَا، مَا مَلِنْتِِىنْعَا، أَنَانْيِي، فَتِى كِى بَتِّىنْ ڠَنْتَا وَرِنِي، يِرَامِى كِى نُوْغُوْنْدِي. أَنْيَا يِڠُوْ بَا، مَا يَغَرِى.

قُوْ أُوْ ڠَرَا أَكُوْ مُوْغُوْبِى، يَغَرِىنْ نْعَوْرَنْ نِّي، هَتِى كِى سُو، مَا أَڠَنْتَا ڠِيَا، أَدُوْ كِتُّو، أَدُوْ تَانُو. قَا، أَڠَنَا نْيِي ذُومَحْرَمُنْ نْعَا، (كِىنْ ڠَنِي سَارَانُو دُوْ سَاغَنْبَانُو دُوْ لِىنْ سَارَنْتُو) كِىنْدِي أَرَوَيْ يِنْكُوْلَّا كِىغَا كُوْيِنِي. هَتِىنْ كُوتِّىنْ تُوْقِّي إِمُوْغُوْنْيَيْ.

أَلَّا ڠَنَّا أُوْ كِسِي فِتْنَنْعَا. آمِين.

والسلام.

أبوعبدِاللهِ جَغتى

٥ قَسَنّى ١٤٤٤

٣ أڠُسْطُو ٢٠٢٢

jagiteydawah@yahoo.com