أودَا أَجُپَّا تِأَلَّا تُوغُنْڠَا،نِىمَا لُوڠُنْتِنْ كَمَا، نِىمَا غِرِغِنْتِنْ كَمَا.
تِيغَيِنْڠَا أَلَّادَنْڠَنِي، سَلِّنْدُو كِيسِيِنْڠَا يِمِّنْكَمَّا، كِىبِى أَنَّبِيِنْيِمِّى ڠَنْتَا أَهَلِّى.
يِلَّنْدِى كَتَّا كَافِرِنُنْ جَاتِىنْدِنُو
لِىنْكِي كُوْتَنْعَا، كَافِرُنْعَا دِڠَامُنْ يُوْغُوْنُو سَنْقِنِي، إِڠَا سُوْرُوْنْ سَنْكُوْنْدِنِي، أُوْوَا دِڠَامُنْ يُوْغُوْ هِتَّنَا، كَتَّا قَيِي، يِلَّنْدِى كَتَّا إِدِڠَامُنْعَا.
سِينِى سُو، إِوَ جَاتِىنْدِىنْ دَوَرِنِي كُوبِىنُو يَغَلِنْتِىنْ ڠَنِي، نَنْقُوْتُوْ دُنَا رِىمُّنْ كُتُّنْ سُويَا، قَا، كِىهِىتِي تُوْنْڠُنْعَا، نَأَتُوْغُوْتِي، مُومِنُنْ يَا يَغَلِنْتِىنِّي نَنْقُوْتُوْ إِيَا، خِىرِنْ ڠَنَا مُومِنِنْ كِتَا، إِنَا أَلَّا تِيڠَا، أَلَّنِي إِبَرَاجِ. بُوْنِىنْ ڠَنِي إِكَتَا، إِنَا صَبَرِي، أَلَّا نِي إِبَرَاجِ. قَا كُوبِىنُو ڠَا أَلَّا كُتَنَا، كِيِىنْ دُوْ وُرُوْنْعَا، إِنْتَا يَغَلِنْتَا مُومِنُنْعَا.
إِوَ جَاتِىنْ دَوَرِنِي، كُوبِىنُوڠَا، بَنَّاغُنْتَا سُوْرُوْنْ كُتُّنْ سُويَا، قَا، كِىغَا هِىتِي تُوْنْڠُنْعَا، نَأَتُوْغُوْتِي، أَلَّانِ فُوْنْ ڠُمِنْعَا، أَدُوْ كُو بَنَّنُو بِى إِڠَا أَكُوْنُّوْ، إِنَا رِبَنْ يَا يِڠَنَا، كِىنْقَا حَرَامِنْتِىنْ يَنِي.
إِوَ فُوْتَنَا كُوْنُّوْ، كِىنْڠَنِي كُوبِىنُو ڠَنِي تَقِّى دَرِى كِتَانُنْعَا. قَا كِىبِى صَحَنْتِىنْ ڠَنِي، مُومِنُوبِى ڠَرَ ڠُوْلِّى سِرِىنْ دَوَرِي، كِنْيَانِي تَقِّى دَرِى كِتَانُنْعَا.
كِىبِىقَا ڠَنِي تُوَانُنْعَا، مَا قَرَنْعَانَنْعَا، كِىنِّي، كِىبِى ڠَرَا قُرْآنَنْ دُوْ سُنَّنْ قَرَا، نَا أَفَامُو. فَلَاسِفَ دُنْكُوْنُنْ نِّي سُوْرُوْ سَنْكُوْنْتُنْ يَايْ. أَلَّا ڠَنَّا أُوْكُو فَامُيِىنْعَا.
والسلام.
أبوعبدِالله جَغتى
٣٠ نَغَنْقَصُوْ ١٤٤٣
٢٩ يونيو ٢٠٢٢