أودَا أَجُپَّا تِأَلَّا تُوغُنْڠَا،نِىمَا لُوڠُنْتِنْ كَمَا، نِىمَا غِرِغِنْتِنْ كَمَا.

تِيغَيِنْڠَا أَلَّادَنْڠَنِي، سَلِّنْدُو كِيسِيِنْڠَا يِمِّنْكَمَّا، كِىبِى أَنَّبِيِنْيِمِّى ڠَنْتَا أَهَلِّى.

قُرْآنَ فَسُوْنْتَاغُو ٢

أَلَّا تِي أَڠَنْكَلَّنْكَا:

كِى قُرْآنَ كُنْدُو، أَكَنْدَنْدِنِي كَتَّا فُوْنْ يَا، أَيَا تُوْلُوْنْڠُوْنْتِىنْ ڠَنِي، أَوَ مُومِنِنْ نِمِيسْوَاسَنَا، كُو بِىنُو ڠَا ڠُوْلِّي سِيرِىنْ دَبَرِنِي، نَنْتِي بَرَاجِىنْعَا، ٱنْيَانَ أَدَنْعَا، أَقُوْرِىنْڠَنِي.

أَلَّا فَارِىنْ تِي:

١- سُوْرُوْنْ مَا تَاغُو، نَا أَلَّا كِتَابِىنْ قَرَا، نَا أَدَرْسُو، أَڠَنْتَا سَكِينَنْعَا يَنْقَنِي إِكَمَّا، أَدُوْ هِنِّىيِى، أَدُوْ مَلَائِكَنْعَا، أَلَّا غَنِي إِفِنْكُوْ.

٢- كِىبِى ڠَرَا قُرْآنَ لِىڠُنْدِي، إِنَا مَلَائِكَنُنْ يَا بَتِّىنْعَا. كِىبِى ڠَا تِقِيتَقَّنَا، تُڠَادُوْ فِلِّي يَنَا أَدَنْڠَنِي.

٣- إِوَتِنِي قُرْآنَ دُنْكِىنْدَنْڠَنِي، قَرَا، أَنَّنْسِىڠِى، أَنَّا أَڠِمُنْدِي، قُوْ أَنْڠَنِّي أَڠِمُنْدِنِي مُوْغُوْبِى دُنَايَا، نَاأَتُوْغُوْتِي، أَنْقِمْپِىرَنِّي آيَ لَڠَرِي بِى، أَنْڠَا أَقَرَنَا.

٤- أَلَّا فَارِىنْ تِي، قَدَا قُرْآنَنْ قَرَا، نَاأَتُوْغُوْتِي، لَاغَرَ كُوْتَا، أَوَنْيَانَا قَنْيُوْنْدَانَنْعَا، إِدُنْكِىنْدَنْعَنِي.

قُرْآنَنْ قَرَنْعَانَ سُونَنْ قَوَ، كُو آيَنُو أَدُوْ هَدِىسِىنُو تُونُو.

والسلام.

أبوعبدِالله جَغتى

٢٣ نَغَنْقَصُوْ ١٤٤٣

٢٢ يونيو ٢٠٢٢