أودَا أَجُپَّا تِأَلَّا تُوغُنْڠَا،نِىمَا لُوڠُنْتِنْ كَمَا، نِىمَا غِرِغِنْتِنْ كَمَا.
تِيغَيِنْڠَا أَلَّادَنْڠَنِي، سَلِّنْدُو كِيسِيِنْڠَا يِمِّنْكَمَّا، كِىبِى أَنَّبِيِنْيِمِّى ڠَنْتَا أَهَلِّى.
كِى دُنَا لَڠَرِى، يَغَرُنْعَا يِرَنْ نَقَصِنْتِىنْ لُوْنْدِنِي تَا، كِنْڠَنِي يِرَامِنْعَا، أَنًًْڠَا أَنُوْغُوْنْ نْعَلَّا، أَدُوْ يِرَامِى نِىيِى، أَدُوْ ڠِىنْچِنْ لِىمِّى، أَدُوْ يِرَنْ بِتَّنْتِى، أَدُوْ دُوْرُوْكِى بِى ڠَنْتَا، كِنْيَىنِى صُمْپُنْعَا. إِلُوْجُرُونِّي، جَبَرِىنْيَنَيْ، أُوْهَيْ كِينِىنْ وَغَتِنْيَايْ. قَا، كِىهِىتِي تُوْنْڠُنْعَا.
إِلُوْجُرُ تَنَا، كِىنِّي يِرَامِ كُو تُومَنْتِىنْيَانِي، قَا، كِىنْقَاهِىتِي تُوْنْڠُنْعَا. نَأَتُوْغُوْتِي، إِنْتَا تُومَنْتَا.
تُوْنْڠُنْ ڠَنِي كِىبِى، كِىنِّي، إِلَهِي هُوْنْيَا دَوَرِنِي، أَلَّا ڠَرَا أَحَرَامِنْدِي، نَا إِهَتُنْ كُوْيِي دُنَايَا، أَدِ إِنْيَمْبَهُوْ. لِىنْكِي يِمِّى، إِنْتَغَا كِىنْكُوْنُّوْ، قَا، إِتِنِي كِى أَنِي لَادَنْعَا.
إِدُوْ كُو يِرَامِىنْ سِهَنُو، ڠِرِي تِبَابُنُو كُو أَمَغَا، إِدَ كِىنْ دَوَرِي غُوْلِّيرَنُنْ يَادِ، أَدُوْ قَرَلَانُو، مَا أَڠَانْيَانَا إِلَادَنْعَا، لِىنْكِي سِلَامِنُنْ قَلَهِي أَوَلَّدِ إِيَا. أَلَّا ڠَنَّا أُوْتَنْڠَا.
قُرْآنَ فَاسُوْنْڠُنْتَاغُنْ قُوْرِىنْيَانِ، أَنْتَا جَاتِىنِى، أَبَرْكِىنْتِىنْيَانِ، يِلِّى كَتَّا فَارِنْ سُنَّنْعَا، نَا قُرْآنَ تَنْڠَيِىنْ فَاسُوْنْڠُنْتَاغُنْ ڠَبِىنْ قَرَا.
والسلام.
أبوعبدِالله جَغتى
١٦ نَغَنْقَصُوْ ١٤٤٣
١٥ يونيو ٢٠٢٢