أودَا أَجُپَّا تِأَلَّا تُوغُنْڠَا،نِىمَا لُوڠُنْتِنْ كَمَا، نِىمَا غِرِغِنْتِنْ كَمَا.
تِيغَيِنْڠَا أَلَّادَنْڠَنِي، سَلِّنْدُو كِيسِيِنْڠَا يِمِّنْكَمَّا، كِىبِى أَنَّبِيِنْيِمِّى ڠَنْتَا أَهَلِّى.
قُرْآنَ تَنْڠَيِنْ دَلَّا، ڠِىلِّي أَلَّا فَارِنْ كِيِى، لِمُنُنْ نَا أَجُوپًّنَا تِي كِنْيَيْ، كَهِنِي دِينَنْ قَرَنْڠِنْعَا، قَا، أَكُرُمْبَاغُنْدِيَا كُوهَقَتِنُويَا.
ڠِىلِّي أَنْڠَنَا أَسِمَّ نَنْتِي، أَنْدَلَّا قُرْآنَ تَنْڠِىرَنْعَا، مَا أَنْڠَا كُمِى هِينُنْعَا، أَنْڠَلَهِي أَدَوَرِنِي، ڠُوْلِّى مَا جُلَاغُنْ دَنْڠَنِي. سِمِّى دُوْ أَلَّا فَارِنْ صَحَابَنُنْعَا، قُوْ بَدْرِ كُوْتَنْعَا، مَاكِنْعَا بَيْعَةُ رِضْوَانِ كُوْتَنْعَا، أَلَّا ڠَا يَمْپِي إِمَغَا، نِي إِهَسُو مُحَمَّدُ يِمَّتُوْنْ كُتُّنْعَا، مَا كِنْعَا أَبُوبَكَرِ، مَا بِلَالِ، مَا عَمَّارُ، إِڠَدَا ڠُوْلِّى سِيرِىنْ دَوَرِي، أَلَّا دَ إِنْيَا اَلْجَنَّا دُنْكِىنْعَا.
تُوْنْڠُنْيَانِ إِدَ خَطَأُنُنْ دَوَرِيَا، قَا، أَلَّا دَ إِڠُوْلِّى سِرِىنُنْ لَڠَا، نَنْ يَمْپِي إِمَغَا نِي إِنْيَا أَلْجَنَّا دُنْكِىنْعَا، أَڠَنْتَا، ڠَجَنْڠِنْ قُوْتِنْيَانِ أَلَّا كِلِّىنْعَا، أَدُوْ يَنْڠَنْقَتِى، قُرْآنَ تَنْڠَيِىنْقَا قُوْتِىنْيَانِ.
إِنْكِى قُوْنِي دَا أَلَّا تِيڠَا، اِنْكِى ڠَدَا قُرْآنَنْ تَنْڠَا، يَغَلِي تِي أَنْ قُرْآنَ تَنْڠَيِىنْعَا، أَنَّا تِنْتُوْ أَلَّا، تِي أَيَا. نَأَتُوْغُوْتِي أَدَ أَنْسُڠَنْدِ قُرْآنَ تَنْڠَانَنْعَا.
قُرْآنَ فَاسُوْنْڠُنْتَاغُنْ قُوْرِىنْيَانِ، أَنْتَا جَاتِىنِى، أَبَرْكِىنْتِىنْيَانِ، يِلِّى كَتَّا فَارِنْ سُنَّنْعَا، نَا قُرْآنَ تَنْڠَيِىنْ فَاسُوْنْڠُنْتَاغُنْ ڠَبِىنْ قَرَا.
والسلام.
أبوعبدِالله جَغتى
٩ نَغَنْقَصُوْ ١٤٤٣
٨ يونيو ٢٠٢٢