أودَا أَجُپَّا تِأَلَّا تُوغُنْڠَا،نِىمَا لُوڠُنْتِنْ كَمَا، نِىمَا غِرِغِنْتِنْ كَمَا.

تِيغَيِنْڠَا أَلَّادَنْڠَنِي، سَلِّنْدُو كِيسِيِنْڠَا يِمِّنْكَمَّا، كِىبِى أَنَّبِيِنْيِمِّى ڠَنْتَا أَهَلِّى.

سُوْرُنْ پُو ڠَبى، إِوَا وَلَّا نَنْتِي، مَغَا دَڠَا قُرْآنَ تَنْڠِرَنْعَا، نَأَتُوْغُوْتِي أَنْتَا ڠُلِّنِي تِي كِنْعَا، أَنْڠَا قَالِسِنْ كِتَنَا. قَا أَنَّنْقَوَ تِبَابُنْ قَرَنْڠِنْيَا دَوَرِنِ، كِمْپَلِّى أَنَّا قُرْآنَ كِى تَنْڠَا نِىلِّىنْ قَرَنْڠِنْعَا، أَنْڠَنَا لَهِي. قُرْآنَ تَنْڠَانُكُو يُوغُنُو يِمِّىنُوَا كِىنْكُوْنُّوْ. أُوْوَا دِڠَامُنُ يُوْغُوْ هِتَّنَا، كَتَّا قَيْ يِىرِى، نَأَتُوْغُوْتِي أُوْكُ يِمِّىنُو دَنْغي أَكَمَّا.

ٱنْكِى ڠَا أُمُنْدَا نَاهِمْبِى قُوْتُوْنْدِي، كِىنِّي نَا قُرْآنَ تَنْڠِىرَنُكُو دِىنْعِي دُوْ ثَقَافَنْ بَتِّىنْعَا، كِنْڠَنِي سِلَامَاغُنْ قَرَنْڠِنُو، قُوْ أَرَابِىنْ قَنِّى، دُوْ فِقْهُ دُوْ أَلَّا فَارِنْ سِيرَا دُوْ كِىنْتَنَا. كِىنْيَهَلِّى بَاسُ غُوْرِىنْيَنِي، نَأَتُوْغُوْتِي قُرْآنَ تَنْڠَيِىنْ لِنْعِىنَّا كِىنْيَيْ، أَنَّا قُرْآنَ كِى فَامُو، أَڠَا كِىبِى كُوْنُّوْ، أَنَّا ٱنْيَغَلِ تِيأَيْ، أَنَّا كَنْدِى تِيأَيْ.

هِمْبِى تَنَا، انْكِىڠَا أَكُونُّو، كِىنْيَنِي إِنَا كَتُنْدِى كِى نَقَصِنْدِي سِرِي، إِنَا قَرَمُّوْغُوْ سِرِىنْ قَرَا، كِنْڠَهِتِي، قَرَلِّمُّنْعَا وُرُنُو نَنْدَڠَا تِبَابُنْ قَرَنْڠِنْعَا، هَرِي كِىنْڠَنَانْيِي سِلَامِنْ دِىبِىنْيَايْ.

كُو نُقُطَنُو هِلِّي نَهَنْتِىنْ يَنِي سِرِي. أَنْدَا ڠِرِي أَلَّايَا، أُوْوَا جُوْكِّنِي قُرْآنَ تَنْڠَيِنْ نَهَنُو، تَاغِى رِيِى.

والسلام.

أبوعبدِالله جَغتى

٢ ذوالقعدة ١٤٤٣

١ يونيو ٢٠٢٢